Қоғамдағы қауіпсіздік пен адам құқықтарын қорғау – баршамыздың ортақ міндетіміз. Зорлық-зомбылық – адамның өміріне, денсаулығына, бостандығына және қадір-қасиетіне қауіп төндіретін құқыққа қайшы әрекет. Сондықтан зорлық-зомбылықтың кез келген түріне төзбеушілік мәдениетін қалыптастыру – маңызды міндеттердің бірі.
Зорлық-зомбылықтың негізгі түрлеріне физикалық, психологиялық, экономикалық және жыныстық қысым жатады. Физикалық зорлық-зомбылық денсаулыққа зиян келтірумен байланысты болса, психологиялық зорлық-зомбылық қорқыту, кемсіту, балағаттау және моральдық қысым көрсету арқылы көрініс табады. Экономикалық зорлық-зомбылық қаржылай тәуелділікте ұстау немесе мүлікті заңсыз иемденуді қамтиды. Ал жыныстық зорлық-зомбылық – адамның еркінен тыс жыныстық сипаттағы әрекеттерге мәжбүрлеу болып табылады.
Мамандар зорлық-зомбылықтың кез келген көрінісіне бейжай қарамауға шақырады. Егер сіз зорлық-зомбылықтың куәгері болсаңыз немесе өзіңіз осындай жағдайға тап болсаңыз, дер кезінде тиісті органдар мен қызметтерден көмек сұрау маңызды.
Қажет болған жағдайда:
-
102 – полицияның шұғыл желісі;
-
111 – балалар мен ересектерге арналған ұлттық сенім телефоны.
Қауіпсіз, әділетті және зорлық-зомбылықсыз қоғам құру – әр азаматтың жауапкершілігі. Бірлесе әрекет ету арқылы ғана адамдардың құқықтары мен қауіпсіздігін қамтамасыз ете аламыз.
https://www.instagram.com/reel/DbsLT73MbJ7/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/mvd-mangystau/press/news/details/1269891?lang=ru
Жауап қалдыру Жауапты болдырмау