Бүгін ұлы қазақ ақыны, ойшылы Абай Құнанбайұлының туғанына 181 жыл толуына орай Қазақстан Республикасының Румыниядағы Елшілігінің дипломаттары Бухарест қаласындағы Абай ескерткішіне гүл шоқтарын қойып, ұлы ақынның рухына тағзым етті.
Абайдың туған күніне орай оның ескерткішіне гүл қою Қазақстан Республикасының Румыниядағы Елшілігі үшін игі дәстүрге айналды. Жыл сайын 10 тамызда Елшілік дипломаттары қазақ халқының ұлы перзентінің рухына тағзым етіп, оның өнегелі мұрасын ұлықтайды.
Абай күні Қазақстанда жыл сайын 10 тамызда аталып өтеді. Атаулы күн Қазақстан Республикасы Үкіметінің 2020 жылғы қаулысымен белгіленді.
Бухарест қаласындағы Абай Құнанбайұлының ескерткіші 2020 жылғы 10 қыркүйекте салтанатты түрде ашылды. Ескерткіштің бой көтеруі Қазақстан мен Румыния арасындағы мәдени-гуманитарлық байланыстарды нығайтудың тағы бір символына айналды.
Ақпарат көзі : https://www.gov.kz/memleket/entities/mfa-bucharest/press/news/details/1271897?lang=ru
Жауап қалдыру Жауапты болдырмау