Бухарест қ., 2026 жылғы 10 тамыз – Румынияның Сыртқы істер министрлігінде Қазақстан Республикасының Елшісі Амангелді Саинов Румынияның Сыртқы істер министрі Оана Цойумен кездесіп, сенім грамоталарының көшірмелерін тапсырды.
О.Цойу Елшіні осы маңызды дипломатиялық лауазымға тағайындалуымен құттықтап, дипломатиялық қызметіне көмектесуге және қолдауға дайын екенін білдірді.
Кездесу барысында тараптар Қазақстан-Румыния ынтымақтастығының саяси, сауда-экономикалық және мәдени-гуманитарлық салалардағы қазіргі жай-күйі мен перспективаларын талқылады. Саяси диалогтың оң динамикасы және екі ел арасындағы байланыстардың жандануы атап өтілді.
Кездесу соңында тараптар тұрақты байланыстарды одан әрі жалғастыруға және екіжақты ынтымақтастықты кеңейту мен нығайту бағытында бірлескен жұмысты күшейтуге мүдделі екендерін растады.
Ақпарат көзі : https://www.gov.kz/memleket/entities/mfa-bucharest/press/news/details/1271870?lang=ru
Жауап қалдыру Жауапты болдырмау