11 тамыз күні Аудандық мәдениет үйінде ұлы қазақ ақыны, ойшыл, жазушы әрі композитор Абай Құнанбайұлының 181 жылдығына арналған тақырыптық мәдени-ағартушылық іс-шара өтті.
Іс-шара барысында қатысушылар Абайдың өмір жолы мен сан қырлы шығармашылық мұрасымен, әдеби мұрасы және философиялық көзқарастарымен танысты. Ақынның бүгінгі күнге дейін өзектілігін жоғалтпай, қазақ халқының рухани мәдениетінде айрықша орын алатын шығармаларына ерекше назар аударылды.
Іс-шараның жарқын жалғасы аудандық мәдениет үйінің өнерпаздары орындаған, Абайдың сөзіне жазылған музыкалық шығармалар толықтыра түсті. Музыка мен поэзия үндестігі арқылы қатысушылар ұлы ойшылдың бай шығармашылық мұрасына тағы бір мәрте терең бойлай алды.
Іс-шара Абайдың рухани мұрасына деген құрметке негізделіп, оның өлмес шығармашылығын өскелең ұрпақ арасында сақтау және кеңінен насихаттауға бағытталған тағылымды мәдени шаралардың бірі болды.
Ақпарат көзі : https://www.gov.kz/memleket/entities/kostanai-karabalyk-audany-akimat/press/news/details/1273949?lang=ru
Жауап қалдыру Жауапты болдырмау