7 тамыз күні Қарабалық кентінің мәдениет және демалыс саябағында Халықаралық жастар күніне арналған, Қарабалық кентінің Жастар ресурстық орталығымен бірлесіп ұйымдастырылған «Таза Қазақстан» экологиялық акциясы аясындағы жарқын мерекелік іс-шара өтті.
Бұл күні саябақ музыкаға, көтеріңкі көңіл күйге және жағымды атмосфераға бөленді. Кент тұрғындары мен қонақтары үшін аудандық мәдениет үйінің өнерпаздары мазмұнды концерттік бағдарлама ұсынып, көрермендер назарына вокалды-аспаптық композициялар мен музыкалық нөмірлерді тарту етті.
Мерекелік шараның ерекше сәнін интерактивті бағдарлама келтірді. Кент жастары мен тұрғындары түрлі ойындар мен байқауларға белсене қатысып, өздерінің белсенділігін, көтеріңкі көңіл күйін және командалық рухын көрсетті. Ең белсенді қатысушылар естелік сыйлықтармен марапатталды.
Мерекелік бағдарлама барлық қатысушыларға көтеріңкі көңіл күй мен ұмытылмас әсер сыйлады. Іс-шара көпшілікті біріктірген көңілді дискотекамен қорытындыланып, достық, бірлік пен мерекелік көңіл күйдің ерекше атмосферасын қалыптастырды.
Мұндай іс-шаралар жастар мен ауыл тұрғындарының бос уақытын тиімді ұйымдастыруға, қоғамдық бірлікті нығайтуға және белсенді азаматтық ұстанымды қалыптастыруға ықпал етеді
Ақпарат көзі : https://www.gov.kz/memleket/entities/kostanai-karabalyk-audany-akimat/press/news/details/1273950?lang=ru
Жауап қалдыру Жауапты болдырмау