Бауыржан Момышұлы ауылында әлеуметтік маңызы бар азық-түлік тауарларының бағасына мониторинг жүргізілді.
Аудан әкімінің орынбасары А. Асабаев пен кәсіпкерлік және өнеркәсіп бөлімі басшысы Т. Амиралиев бірқатар азық-түлік дүкендерін аралап, әлеуметтік маңызы бар азық-түлік тауарларының белгіленген бағаларын сақтау мәселесін түсіндірді.
Кәсіпкерлерге әлеуметтік маңызы бар азық-түлік тауарларының бағасын негізсіз көтеруге жол берілмейтіні ескертіліп, қолданыстағы заңнама талаптары түсіндірілді. Сондай-ақ тауар бағасын негізсіз қымбаттатқан жағдайда заң талаптарына сәйкес тиісті жауапкершілік қарастырылғаны айтылды.
Мұндай жұмыстардың негізгі мақсаты – тұрғындарды әлеуметтік маңызы бар азық-түлік тауарларымен қолжетімді бағамен қамтамасыз ету, бағаның негізсіз өсуіне жол бермеу және тұтынушылардың құқықтарын қорғау.
Аудан аумағында азық-түлік бағасына мониторинг жүргізу және кәсіпкерлерге түсіндіру жұмыстары тұрақты түрде жалғасатын болады.
Ақпарат көзі : https://www.gov.kz/memleket/entities/zhambyl-zhualy/press/news/details/1274514?lang=ru
Жауап қалдыру Жауапты болдырмау