2026 жылғы 13 тамызда Қазақстан Республикасының Еңбек және халықты әлеуметтік қорғау министрі Асқарбек Маратұлы Ертаев пен Еңбек және халықты әлеуметтік қорғау вице-министрі Эльдар Қонысбайұлы Күзенбаев жұмыс сапарымен келді. Кездесу барысында Жұмыспен қамтуды үйлестіру және әлеуметтік бағдарламалар басқармасының басшысы Р.С. Елжасов қонақтарды халықты жұмыспен қамтудың қолданыстағы бағдарламаларын іске асыру және әлеуметтік қолдау, соның ішінде еңбек күші артық өңірлерден азаматтарды тарту бойынша жүргізіліп жатқан жұмыстармен жалпы таныстырды.
Сапар барысында СҚО қандастар мен қоныс аударушыларды қоныстандыру бойынша мемлекеттік саясаттың іске асырылуына ерекше назар аударылды. Министр бұл бағыттағы жұмысты күшейтудің маңыздылығын атап өтті, бұл Солтүстік Қазақстан облысына сұранысқа ие кадрлар мен мамандарды тартуға мүмкіндік береді. Сондай-ақ, Министр қандастарды уақытша орналастыруға арналған жатақханамен, олардың тұрмыс жағдайымен және өңірге бейімделуін ұйымдастыру барысымен танысты.
Сонымен қатар, сапар аясында Министр «Alageum» электротехникалық зауытына барып, ондағы өндірістік процестермен, кәсіпорынның қызметімен және еңбек жағдайларымен танысты.
Сапар барысында кәсіпорында еңбек етіп жүрген қандастармен және қоныс аударушылармен жаңа жерге бейімделу және жұмыста жасалған жағдайлар туралы әңгімелесті.
Бұдан бөлек, Министр Балаларға әлеуметтік қызмет көрсету орталығының қызметімен танысты.
Бұл сапар жұмыспен қамту, халықты әлеуметтік қолдау, еңбек мобильділігі және өңірге білікті мамандарды тарту мәселелерін талқылауға арналған маңызды алаңға айналды.
Ақпарат көзі : https://www.gov.kz/memleket/entities/sko-ukzsp/press/news/details/1276868?lang=ru
Жауап қалдыру Жауапты болдырмау