Ақтөбе облысында “Құқықтық тәртіп” республикалық жедел-профилактикалық іс-шарасы өткізілді.
18-21 тамыз аралығында облыс аумағында қоғамдық қауіпсіздікті қамтамасыз ету, құқық бұзушылықтардың алдын алу және қылмыстардың жолын кесуге бағытталған “Құқықтық тәртіп” республикалық жедел-профилактикалық іс-шарасы өткізілді.
Іс-шара барысында полиция қызметкерлері іздеуде жүрген 5 адамды ұстады. Сондай-ақ алкоголь өнімдерін өткізу талаптарының бұзылуына қатысты 19 дерек, ұсақ бұзақылықтың 62 дерегі анықталды.
Жедел-профилактикалық іс-шара аясында жол қауіпсіздігін қамтамасыз етуге ерекше назар аударылды. Полиция қызметкерлері көлік құралын алкогольдік масаң күйде басқарған 8 жүргізушіні, қарсы қозғалыс жолағына шыққан 43 жүргізушіні, сондай-ақ көлік құралын басқару құқығынан айырылғанына қарамастан көлік жүргізген 10 адамды анықтады.
Барлық анықталған құқық бұзушылықтар бойынша қолданыстағы заңнамаға сәйкес тиісті шаралар қабылданды.
“Құқықтық тәртіп” жедел-профилактикалық іс-шарасын өткізу қоғамдық қауіпсіздікті нығайтуға, құқық бұзушылықтардың алдын алуға және азаматтардың тыныштығын қамтамасыз етуге бағытталған.
Ақпарат көзі : https://www.gov.kz/memleket/entities/qriim/press/news/details/1279000?lang=ru
Жауап қалдыру Жауапты болдырмау