Мемлекеттік қызметтер ВидеоЦОН арқылы қолжетімді бола түсуде

 

«Азаматтарға арналған үкімет» мемлекеттік корпорациясы» КЕАҚ Ұлытау облысы бойынша филиалы өңір тұрғындарына мемлекеттік қызметтерді ХҚКО-ға бармай-ақ, қашықтан алуға болатынын еске салады.

 

Бүгінде көптеген мемлекеттік қызметтерді «ВидеоХҚКО» сервисі арқылы онлайн алуға болады. Ол үшін ұялы телефон мен интернет желісіне қосылу жеткілікті. Бейнебайланыс арқылы азамат маманнан кеңес алып, қажетті қызметтер мен құжаттарды рәсімдей алады.

Қазіргі уақытта «ВидеоХҚКО» сервисі арқылы 79 мемлекеттік қызмет қолжетімді.

Ең сұранысқа ие ТОП-5 қызмет:

 

• жеке және заңды тұлғалар үшін ЭЦҚ кілттерін алу және кері қайтарып алу;
• соттылықтың болуы немесе болмауы туралы анықтама алу;
• жерлеуге арналған біржолғы төлемді рәсімдеу;
• баланың тууына және бала күтіміне байланысты жәрдемақылар мен төлемдерді рәсімдеу;
• мемлекеттік әлеуметтік жәрдемақыларды тағайындау.

 

«ВидеоХҚКО» сервисі қажетті мемлекеттік қызметтерді үйден шықпай-ақ алуға мүмкіндік береді. Бұл әсіресе Ұлытау облысының шалғай елді мекендерінің тұрғындарына, мүмкіндігі шектеулі азаматтарға, кішкентай балалары бар ата-аналарға, сондай-ақ шетелде жүрген азаматтарға өте ыңғайлы.

Сонымен қатар, пайдаланушы жолға шығуға және кезекте күтуге уақыт жұмсамайды. Маманмен байланыс бірнеше минут ішінде жүзеге асады.

Азаматтардың қауіпсіздігі үшін қызметтерді алу кезінде Face ID биометриялық сәйкестендіру жүйесі қолданылады.

 

Қызметті алу үшін:

 

1. «ХҚКО» мобильді қосымшасын жүктеп алу қажет;
2. «ВидеоХҚКО» бөлімін таңдау керек;
3. Жұмыс уақытында операторға қосылу қажет;
4. Кеңес алып немесе қажетті мемлекеттік қызметті рәсімдеуге болады.

 

Барлық сұрақтар бойынша азаматтар 1414 нөмірі арқылы Бірыңғай байланыс орталығына хабарласа алады.

 

Ақпарат көзі : https://www.gov.kz/memleket/entities/ulytau-karazhal/press/news/details/1281308?lang=ru