Қоғамда «Заң мен Тәртіп» идеологиясын орнықтыру және ілгерілету аясында облыс прокуратурасы облыс әкімдігінің ішкі саясат, мәдениет, тілдерді дамыту және архив ісі басқармаларымен бірлесіп, облыс орталығындағы білім беру ұйымдарының бастауыш және орта сынып оқушылары мен Ұлттық ұлан курсанттарына арналған «Ер ел есінде» театрландырылған қойылымының көрсетілімін ұйымдастырды.
Іс-шара 2026 жылғы 28 тамызда С.Мұқанов атындағы мемлекеттік қазақ музыкалық-драма театрының сахнасында өтіп, оған 500-ден астам мектеп оқушысы, колледж студенті және Ұлттық ұлан курсанты қатысты.
Қойылымды көрсетудің негізгі мақсаты – өскелең ұрпаққа құқықтық және адамгершілік тәрбие беру, балалар мен курсанттардың заңға, тәртіпке және қоғамдық нормаларға деген құрметін қалыптастыру, сондай-ақ әділдік, адалдық және жеке жауапкершілік қағидаттарына негізделген құндылықтық бағдарларды дамыту.
Б.Момышұлының мұрасына негізделген театрландырылған қойылым жас көрермендерге терең эмоционалдық және тәрбиелік әсер етіп, қоғамдық өмірдегі заңдар мен ережелердің маңыздылығын, сондай-ақ моральдық және құқықтық нормаларды сақтаудың қажеттілігін түсінуге ықпал етті.
Мектеп оқушылары қойылымды үлкен қызығушылықпен тамашалап, сахналық қойылымның барысын белсенді қадағалады және онда көтерілген тақырыптардың түсінікті әрі қолжетімді болғанын атап өтті. Педагогтердің пікірінше, театр қойылымы балалардың қызығушылығын оятып, адамгершілік құндылықтар, жауапкершілік және заңды құрметтеу мәселелерін одан әрі талқылауға ықпал етті.
Өткізілген іс-шара құқық бұзушылықтардың алдын алу және кәмелетке толмағандар арасында заңға бағынушылық мінез-құлықты қалыптастыру мәселелерінде прокуратура органдарының, атқарушы билік пен мәдениет саласының тиімді өзара іс-қимылының үлгісі болды.
Театр өнерін профилактикалық жұмыстың бір түрі ретінде пайдалану балаларға маңызды әлеуметтік және құқықтық құндылықтарды түсінікті әрі қолжетімді түрде жеткізуге мүмкіндік береді.
Солтүстік Қазақстан облысының прокуратурасы.
Ақпарат көзі : https://www.gov.kz/memleket/entities/prokuratura-sko/press/news/details/1281835?lang=ru
Жауап қалдыру Жауапты болдырмау