Степногорск қаласының прокуратурасымен жұмысшылардың жалақыны уақтылы алу жөніндегі конституциялық құқықтары қорғалды

Степногорск қаласының прокуратурасымен еңбекақы төлеу саласындағы заңнаманың сақталуына талдау жүргізілді.

Талдау барысында «Каусар» ЖК-де («Ақниет» жекеменшік балабақшасы) 20 жұмысшы алдында жалпы сомасы 3,7 млн теңге көлемінде жалақы бойынша берешек қалыптасқаны анықталды.

Бұзылған құқықтарды қалпына келтіру мақсатында қала прокуратурасымен білім бөліміне прокурорлық қадағалау актісі енгізілді.

Қабылданған шаралардың нәтижесінде берешек толық көлемде өтеліп, 20 жұмысшының жалақыны уақтылы алу жөніндегі конституциялық құқықтары қалпына келтірілді.

Еңбек заңнамасының сақталуы Степногорск қаласының прокуратурасының тұрақты бақылауында.

Ақмола облысының прокуратурасы

Ақпарат көзі : https://www.gov.kz/memleket/entities/prokuratura-akm-obl/press/news/details/1281885?lang=ru