2026 жылғы 10 маусымда Қазақстан Республикасының Конституциялық Соты №85-НҚ нормативтік қаулы қабылдады. Аталған қаулымен Қылмыстық-процестік кодекстің адамды күзетпен ұстау мерзімін тиісті сот шешімімен белгіленген мерзім өткеннен кейін есептеу мәселесіне қатысты жекелеген нормалары Конституцияға қайшы деп танылды.
Мәселенің мәні мынада: адамды күзетпен ұстау мерзімі заңда және сот актісінде белгіленген шектерде қатаң сақтала отырып есептелуге тиіс. Сот белгілеген мерзімнің өтуі тиісті жаңа сот шешімінсіз адамды іс жүзінде күзетпен ұстауды жалғастыруға негіз бола алмайды.
Бұл ретте күзетпен ұстаудың шекті мерзімдерін сақтау ерекше маңызға ие. Заңда көзделген жағдайларда сотқа дейінгі іс жүргізу кезеңіндегі күзетпен ұстаудың жалпы мерзімі 12 айға дейін жетуі мүмкін. Алайда бұл мерзім адамның күзетпен ұстауын автоматты түрде ұзартуға негіз болып табылмайды.
Осыған байланысты облыс прокуратурасы күзетпен ұсталған адамдардың мерзімдеріне мониторинг жүргізуді күшейтті. Атап айтқанда, шекті мерзімдердің жақындауын уақтылы анықтау және тиісті шаралар қабылдау мақсатында тұрақты мониторинг жүргізілуде. Күзетпен ұстау мерзімдерінің заңда белгіленген шектерден асып кетуіне жол бермеу және адамдарды заңды негіздерсіз күзетпен ұстау жағдайларын болдырмау бойынша барлық қажетті шаралар қабылдануда.
Прокуратура органдарының басты міндеті – бұлтартпау шарасының ең қатаң түрі болып табылатын күзетпен ұстауды қолдану кезінде азаматтардың конституциялық құқықтарының мүлтіксіз сақталуын қамтамасыз ету.
Ақмола облысының прокуратурасы
Ақпарат көзі : https://www.gov.kz/memleket/entities/prokuratura-akm-obl/press/news/details/1282680?lang=ru
Жауап қалдыру Жауапты болдырмау