Шу деңгейі (қатты дыбыс) денсаулыққа қысқа және ұзақ мерзімде әсер етуі мүмкін. Әсері шудың деңгейіне (децибел, дБ), ұзақтығына және оған қаншалықты жиі ұшырайтыныңызға байланысты.
Мысалы:
– 30-40 дБ – тыныш орта, әдетте денсаулыққа зиянсыз;
– 50-60 дБ – ұзақ уақыт әсер етсе, кейбір адамдардың зейінін төмендетіп, мазасыздық тудыруы мүмкін;
– 70 дБ және одан жоғары – ұзақ уақыт бойы күн сайын әсер етсе, есту мүшесіне және жалпы денсаулыққа салмақ түсіруі мүмкін;
– 85 дБ және жоғары – ұзақ уақыт әсер ету есту қабілетінің біртіндеп нашарлау қаупін арттырады. Өндірістік ортада немесе концерттерде мұндай деңгей жиі кездеседі;
– 100-120 дБ – қысқа уақыттың өзінде құлаққа зиян келтіруі мүмкін;
– 120 дБ және жоғары – ауырсыну шегіне жақын, есту мүшесіне бірден зақым келтіру қаупі жоғары.
Шудың ықтимал әсерлері:
– есту қабілетінің төмендеуі және құлақтағы шуыл (тиннитус);
– ұйқының бұзылуы;
– күйзеліс пен ашушаңдықтың артуы;
– зейіннің және есте сақтаудың нашарлауы;
– қан қысымының жоғарылауы және жүрек-қантамыр жүйесіне қосымша жүктеме (ұзақ уақыт бойы қатты шуға ұшырағанда).
Қорғану шаралары:
– қатты дыбыстан мүмкіндігінше алыс болу;
– өндірісте құлақ тығындарын немесе қорғаныш құлаққаптарын пайдалану;
– қатты шудан кейін құлаққа тынығуға уақыт беру.
Ақпарат көзі : https://www.gov.kz/memleket/entities/departament-kkbtu-almaty/press/news/details/1282681?lang=ru
Жауап қалдыру Жауапты болдырмау