Мектеп оқушыларына арналған өрт қауіпсіздігі ережелері
Өрттен ең қорғансыз адамдардың бірі – балалар. Олардың қатарында тек кішкентай балалар ғана емес, мектепте оқитын ересек балалар да бар. Әсіресе демалыс кезінде балалардың көпшілігі ересектердің қарауынсыз қалады. Жыл сайын бүкіл әлемде өрт салдарынан көптеген адамдар қаза табады, олардың арасында балалар да аз емес.
Бастауыш сынып оқушыларына арналған өрт қауіпсіздігінің негізгі қарапайым ережелері: сіріңкемен ойнауға болмайды; ашық от пен қыздырылған заттардың жанында ойнауға болмайды; ашық оттың немесе қызған заттардың қасына киімдерді кептіруге болмайды; ересектердің қатысуынсыз от жағуға болмайды; электр құралдарын қосулы күйінде қараусыз қалдыруға болмайды; өрт болған жағдайда дереу ересектерге хабарлау қажет.
Орта буын оқушыларына арналған өрт қауіпсіздігі ережелері: оқушылар электр құралдарын дұрыс пайдалануды, тез тұтанатын материалдардың қандай болатынын, өрт сөндіргіштерді және өрт пен түтіннен қорғанудың басқа да құралдарын пайдалануды, сондай-ақ өздерін және балаларды қауіпсіз жерге шығаруды білуі тиіс.
Жоғары сынып оқушыларына арналған өрт қауіпсіздігінің негізгі ережелері: балалардың отпен ойнамауын қадағалау; белгісіз материалдардан жасалған заттарды қыздырмау; электр құралдарын қосулы күйінде қараусыз қалдырмау, үйден шығарда оларды электр желісінен ажырату; от жағу, пеш жағу кезінде тез тұтанатын сұйықтықтарды пайдаланбау; жағылған отты соңына дейін толық сөндіру; құрғақ шөп пен терек мамығын өртемеу; жанып тұрған сіріңкені қоқыс жәшіктеріне тастамау; электр құралдары қосулы тұрған кезде оларды дымқыл шүберекпен сүртпеу; гүл салынған себеттерді электр құралдарының немесе электр сымдарының үстіне ілмеу; жанған электр құралдарын сумен сөндірмеу; тіпті шағын өрт анықталған жағдайда да өрт сөндіру қызметіне дереу хабарласу.
Ақпарат көзі : https://www.gov.kz/memleket/entities/zhetysu-karatal-baishegir/press/news/details/1285626?lang=ru
Жауап қалдыру Жауапты болдырмау