Конституциялық Сот «Неке (ерлі-зайыптылық) және отбасы туралы» Кодекстің 51-бабы 2-тармағы бірінші бөлігінің және Жоғарғы Соттың «Соттардың баланың тегін анықтауға байланысты істерді қарау кезінде заңнаманы қолдануы туралы» нормативтік қаулысының 15-тармағы бірінші абзацының Конституцияға сәйкестігін тексеру туралы өтінішті іс жүргізуге қабылдады.
Өтініш субъектісінің пікірінше, дауланып отырған нормаларды қолдану заңда көзделген мән-жайларда өз құқығын пайдаланған адамға белгілі бір міндеттер жүктеуге және құқықтық салдарларға әкеп соғуы мүмкін. Оның пайымдауынша, бұл неке және отбасы саласындағы конституциялық кепілдіктерді, меншік және мұрагерлік құқықтарын, сондай-ақ балаларға қамқорлық жасау және оларды тәрбиелеу жөніндегі құқықтар мен міндеттерді қозғайды.
Конституциялық іс жүргізудің барысы мен қорытындылары туралы Конституциялық Соттың ресми сайтында және Telegram-арнасында хабарланады.
Ақпарат көзі : https://www.gov.kz/memleket/entities/ksrk/press/news/details/1286842?lang=ru
Жауап қалдыру Жауапты болдырмау