Маңғыстау облысында жол-көлік оқиғаларының алдын алу және жаяу жүргіншілердің қауіпсіздігін қамтамасыз ету мақсатында «Абайлаңыз, жаяу жүргінші!» республикалық акциясы өткізілуде.
Акция аясында жол қозғалысына қатысушылардың қауіпсіздікке деген жауапкершілігін арттыруға бағытталған профилактикалық іс-шара ұйымдастырылды. Іс-шараның мақсаты – жүргізушілердің жаяу жүргіншілерге қатысты жолдағы жағдайды дер кезінде байқап, көлік құралын қауіпсіз тоқтату және жаяу жүргіншіге жол беру талаптарын сақтау деңгейін арттыру.
Іс-шара барысында жүргізушілерге жаяу жүргінші жаяу жүргіншілер өткеліне жақындаған немесе жолға шыққан жағдайда жылдамдықты төмендетіп, қажет болған кезде көлік құралын тоқтатып, жаяу жүргіншіге жол беру қажеттігі түсіндірілді.
Сонымен қатар жүргізушілерге жол қозғалысы ережелерін қатаң сақтау, белгіленген жылдамдық режимін бұзбау және жолдағы жағдайға үнемі назар аудару қажеттігі ескертілді.
Полиция департаменті жүргізушілерді жол қозғалысына қатысушылардың барлығына құрметпен қарап, жаяу жүргіншілердің қауіпсіздігіне жауапкершілікпен қарауға шақырады.
Жаяу жүргіншіге жол бергеніңіз үшін рақмет, құрметті жүргізуші!
Жолдағы қауіпсіздік – баршамызға ортақ жауапкершілік.
Ақпарат көзі : https://www.gov.kz/memleket/entities/mvd-mangystau/press/news/details/1292121?lang=ru
Жауап қалдыру Жауапты болдырмау