Ақпараттық-түсіндіру жұмыстары аясында Департаменттің “Түсіндіру жұмысы және Байланыс-орталығы” басқармасының басшысы Бибігүл Қайрекенова газет өкілдеріне сұхбат берді. Сұхбат барысында кірістер органдары қызметінің негізгі бағыттары, оның ішінде камералдық бақылау жүргізу және салықтық әкімшілендіру саласына цифрлық технологияларды енгізу мәселелері кеңінен баяндалды.
Сұхбатта камералдық бақылау мәселесіне ерекше назар аударылды. Оның салық заңнамасының сақталуын қамтамасыз етудегі және салықтық құқық бұзушылықтардың алдын алудағы рөлі түсіндірілді. Камералдық бақылау салық төлеушілермен өзара іс-қимыл жасаудың маңызды құралы болып табылатыны атап өтілді. Бұл бақылау салық есептілігіндегі сәйкессіздіктерді уақтылы анықтауға және заңнамада белгіленген тәртіппен оларды өз бетінше жоюға мүмкіндік береді.
Сонымен қатар сұхбат барысында мемлекеттік кірістер органдарын цифрландыру, электрондық сервистерді енгізу және салықтық әкімшілендіру үдерістерін автоматтандыру мәселелері қамтылды. Заманауи ақпараттық технологияларды пайдалану мемлекеттік көрсетілетін қызметтердің қолжетімділігін арттыруға, салық төлеушілердің уақыт шығындарын азайтуға және мемлекет пен бизнес арасындағы өзара іс-қимылдың ашықтығын қамтамасыз етуге ықпал ететіні атап өтілді.
Электрондық форматта мемлекеттік қызметтерді алудың артықшылықтарына, цифрлық шешімдерді дамытуға және азаматтар мен кәсіпкерлік субъектілерінің салықтық міндеттемелерін орындауына қолайлы жағдай жасауға ерекше көңіл бөлінді. Цифрландыру жұмыс үдерістерін жетілдіруге, ақпаратты өңдеу жеделдігін арттыруға және халық пен бизнеске көрсетілетін қызметтердің сапасын жақсартуға мүмкіндік береді.
Сұхбат соңында азаматтар мен бизнес өкілдерінің салықтық сауаттылығын арттырудың, сондай-ақ салық заңнамасы мәселелері бойынша тұрақты түсіндіру жұмыстарын жүргізудің маңыздылығы атап өтілді.
Ақпарат көзі : https://www.gov.kz/memleket/entities/kgd-atyrau/press/news/details/1295419?lang=ru
Жауап қалдыру Жауапты болдырмау