Ағымдағы кезеңнің қорытындысы бойынша мансаптық орталық жұмысының нәтижелері туралы

“СҚО “әкімдігінің жұмыспен қамтуды үйлестіру және әлеуметтік бағдарламалар басқармасы” КММ “Еңбек ұтқырлығы орталығы” КММ “Айыртау ауданының Карьер орталығы” филиалының директоры Р.С. Қожахимов әкімдік отырысына қатысушыларды ағымдағы кезең қорытындысы бойынша Мансап орталығы жұмысының нәтижелері туралы хабардар етті.
Руслан Сайлауұлы биылғы жылы Володарск, Қамсақты және Украина ауылдық округтерінің 10 тұрғыны кәсіпкерлікті дамытуға өтеусіз гранттық қаржыландыруды алғанын атап өтті. Негізінде, бұл жұмыс белсенді жүріп жатыр, бірақ, өкінішке орай, оған барлық ауылдық округтер қатыса бермейді.
“Күміс жас” жобасы бойынша көрсеткіштер асыра орындалды: жоспарда 17 адам болса, ауданның 25 азаматы орналастырылды.
Жастар практикасы бойынша ауданда жоспар бойынша 31 адамның 29-ы жұмысқа орналастырылды. Жоспарланған 106 жұмысшының 98-і қоғамдық жұмыстарға тартылды. Тұрақты жұмыс орындарына жоспарланған 550-ден 379-ы жұмысқа орналастырылды. Сондай ақ ұлттық жобаларды іске асыру шеңберінде іс жүзінде 59 айыртаулық жұмысқа орналастырылды

Аудан әкімі ауылдық округ әкімдерін жұмыста немқұрайлылық пен формализмге жол бермей, жергілікті тұрғындарды мемлекеттік бағдарламаларға, ұлттық жобаларға, ауылда кәсіпкерлікті дамытуға белсене тартуға шақыра отырып, әрбір орындамау пункті бойынша талдау жүргізді. Мейрам Жақсылықұлы тұрғындармен жиындарда осы ақпаратты жариялауды, осы тақырып бойынша буклеттер таратуды ұйымдастыруды тапсыра отырып, мемлекеттік қолдау шаралары туралы халықтың ақпаратсыздығын сынға алды.
“Жалпы жұмыс жүргізіліп жатқанымен, нәтижелер бар болса да, тек көрсеткіштер үшін жұмыс істеу мүмкін емес. Халықты жұмыспен қамту және жұмыспен қамту саласындағы бар проблемаларды белгілеп, жүйелі түрде шешу керек”, – деді Мейрам Жақсылықұлы және жұмыспен қамтудың барлық шараларын іске асыру бойынша, оның ішінде атаулы әлеуметтік көмек алушыларды жұмысқа орналастыру бойынша күнделікті мониторингті қамтамасыз етуді тапсырды.