Павлодарда «Заң және тәртіп» тұжырымдамасын іске асыру аясында полиция қызметкерлері мен техникалық және кәсіптік білім беру ұйымдарының студенттері арасында футбол матчы өтті.
Спорттық кездесу Павлодар облысы Полиция департаментінің «Динамо» дене шынықтыру-спорт қоғамында ұйымдастырылды. Іс-шараны Павлодар облысының білім басқармасы мен Павлодар облысының Полиция департаменті бірлесіп өткізді.
Футбол матчының негізгі мақсаты – спорт арқылы жастар мен құқық қорғау органдары өкілдері арасында ашық әрі позитивті қарым-қатынасты қалыптастыру, өзара сенімді нығайту және құқық бұзушылықтардың алдын алу жұмыстарына қолдау көрсету.
Ойын барысында қатысушылар спорттық шеберліктерін көрсетіп, командалық рух, тәртіп, өзара қолдау мен қарсыласқа деген құрмет қағидаттарын танытты. Спорттық бәсеке жастар мен полиция қызметкерлерінің өзара байланысын нығайтып, ортақ құндылықтарды дәріптеуге мүмкіндік берді.
Жарыс қорытындысы бойынша жүлделі орындар төмендегідей бөлінді:
1-орын – Патрульдік полиция батальоны;
2-орын – Абай атындағы гимназия;
3-орын – Солтүстік полиция бөлімі.
Ұйымдастырушылардың айтуынша, мұндай спорттық іс-шаралар жастардың бос уақытын тиімді ұйымдастыруға, салауатты өмір салтын қалыптастыруға және құқықтық мәдениетті арттыруға ықпал етеді. Полиция қызметкерлері мен студенттердің бір алаңда бас қосуы өзара түсіністік пен сенімді нығайтуға мүмкіндік береді.
«Заң және тәртіп» тұжырымдамасы аясындағы осындай кездесулер жастар арасында заңға құрметпен қарау, жауапкершілік пен тәртіптілік құндылықтарын қалыптастыруға бағытталған профилактикалық жұмыстардың маңызды бөлігі болып табылады.
Ақпарат көзі : https://www.gov.kz/memleket/entities/pavlodar-edu/press/news/details/1301553?lang=ru
Жауап қалдыру Жауапты болдырмау