Түнгі рейд: Қарағандыда мас күйде көлік басқарған жүргізуші ұсталды. Қарағандыда түнгі уақытта мас күйде көлік басқарған 38 жастағы жүргізуші анықталды. Енді оған 15 тәулікке дейін әкімшілік қамаққа алу және 7 жылға жүргізуші куәлігінен айыру жазасы қолданылуы мүмкін. Оқиға түнгі сағат үш шамасында қаланың орталық көшелерінің бірінде болған. Облыстық патрульдік полиция батальонының қызметкерлері Toyota Camry автокөлігін тоқтатқан. Құжаттарды тексеру кезінде полицейлер жүргізушінің бойынан алкогольдің өткір иісін сезіп, оның масаң күйде болуы мүмкін екенін байқаған. Медициналық куәландыру нәтижесінде ер адамның жеңіл дәрежедегі алкогольдік масаң күйде болғаны расталды. Аталған дерек бойынша жүргізушіге Қазақстан Республикасының Әкімшілік құқық бұзушылық туралы кодексінің 608-бабына сәйкес әкімшілік хаттама толтырылды. Масаң күйде көлік басқару – жол қозғалысына қатысушылардың өмірі мен қауіпсіздігіне тікелей қатер төндіретін өрескел құқық бұзушылық. Мұндай әрекет үшін заңда қатаң жауапкершілік көзделген.
Ақпарат көзі : https://www.gov.kz/memleket/entities/mvd-karaganda/press/news/details/1308465?lang=ru
Жауап қалдыру Жауапты болдырмау