«Салауатты тамақтануды насихаттау»

Салауатты тамақтануды насихаттау

Салауатты тамақтануды насихаттау  денсаулықты сақтау, созылмалы аурулардың алдын алу және өмір сапасын арттыру мақсатында халыққа теңгерімді тамақтану қағидаттары туралы ақпарат беруге бағытталған шаралар кешені. Оның негізінде ас мәзірін түрлендіру, тағам мөлшерін бақылау және құрамында тұз, қант пен май мөлшері жоғары өнімдерді тұтынуды шектеу сияқты пайдалы әдеттерді қалыптастыру жатыр.

Салауатты тамақтану күнделікті ас мәзіріне көкөністерді, жемістерді, ақуызға бай тағамдарды, тұтас дәнді өнімдер мен пайдалы майларды қосуды көздейді. Көкөністер мен жемістер күнделікті рационның едәуір бөлігін құрап, ағзаны тағамдық талшықтармен және дәрумендермен қамтамасыз етуі тиіс. Фастфудты, тәтті газдалған сусындарды, құрамында тұз бен қант мөлшері жоғары өнімдерді тұтынуды шектеген жөн. Күні бойы жүйелі түрде тамақтану, тағам мөлшерін сақтау, шамадан тыс тамақтанбау және жеткілікті су ішу де маңызды.

Салауатты тамақтануды насихаттау білім беру ұйымдарында, мемлекеттік және халықаралық деңгейлерде, сондай-ақ цифрлық ортада жүргізіледі. Мектептер мен балабақшаларда дұрыс тамақтануға арналған тақырыптық сабақтар, пайдалы тағамдардың дәмін тату шаралары және ата-аналарға арналған шеберлік сабақтары ұйымдастырылады. Мемлекеттік және халықаралық бастамалар халықты, соның ішінде жастарды салауатты тамақтану әдеттерін қалыптастыруға тартуға бағытталған. Әлеуметтік желілер, инфографикалар мен мобильді қосымшалар теңгерімді тамақтану, тағам мөлшерін бақылау және өнімдерді саналы түрде таңдау туралы қолжетімді ақпарат таратуға мүмкіндік береді.

Бұл жұмыстың мақсаты  дұрыс тамақтану мәдениеті мен дағдыларын қалыптастыру арқылы адамдарды өз денсаулығына жауапкершілікпен қарауға баулу. Негізгі міндеттері теңгерімді тамақтану қағидаттары туралы білім деңгейін арттыру, пайдалы өнімдерді саналы түрде таңдауға және тамақтану режимін сақтауға үйрету, сондай-ақ ата-аналар мен педагогтер арасында тамақтануды дұрыс ұйымдастыру мәселелері бойынша ақпараттық-түсіндіру жұмыстарын жүргізу.

Ақпарат көзі : https://www.gov.kz/memleket/entities/dsek-astana/press/news/details/1314063?lang=ru