2024 жылдан бастап жоспарлы профилактикалық егулер тізбесі АПВ қарсы вакцинациямен толықтырылды. Бұл өзгерістер әлемде, оның ішінде Қазақстанда, онкологиялық аурулардың көбеюіне байланысты енгізілді. Жатыр мойны обыры 25-44 жас аралығындағы әйелдер арасында таралуы бойынша екінші орында. Жыл сайын Қазақстанда осы аурудың шамамен 1 900 жаңа жағдайы тіркеледі, бұл күніне бес жаңа жағдайға тең. Сондай-ақ, жыл сайын 600-ден астам әйел осы аурудан қайтыс болады.
Жатыр мойны обыры АПВ инфекциясын жұқтырғаннан кейін бірнеше жыл, кейде ондаған жылдар өткен соң дамиды. АПВ қарсы вакцина сенімді қорғаныс қамтамасыз етіп, болашақта ықтимал асқынулардың алдын алуға көмектеседі.
Ең тиімдісі – вируспен байланысқа түспес бұрын, вакцинаның көмегімен иммунитетті қалыптастыру. АПВ негізгі берілу жолы – жыныстық қатынас болғандықтан, вакцинацияны жыныстық қатынас басталғанға дейін жүргізу ұсынылады.
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/992178?lang=kk
Жауап қалдыру