Алматы қаласы мектептерінің медициналық кабинеттерінде 2024 жылдың 30 қыркүйегінен бастап 11 жастағы қыздарға адам папиллома вирусына қарсы (бұдан әрі – АПВ) жоспарлы вакцинациялау, сондай-ақ 12, 13 жастағы қыздарға вакцинация жалғасуда.
20.06.2025 жылы қала бойынша АПВ-ға қарсы бірінші дозамен барлығы 10293 қыз вакцинацияланды, оның ішінде 11 жаста – 4429 және 12 – 13 жаста – 5864 қыз вакцинацияланды. АПВ-ға қарсы екінші дозамен барлығы 4171 қыз вакцинацияланды, оның ішінде 11 жаста – 1216 және 12 – 13 жаста – 2955 қыз вакцинацияланды. Вакцинацияланған қыздар арасында вакцинациядан кейінгі қолайсыз жағдайлар тіркелмеген.
Вакцинациялауға рұқсаты бар медицина қызметкерлер, егілетін адамдарды қарап -тексеруден өткізіп, вакцинациялауды жүргізуге ата – анасынан (заңды өкілдерінен) келісім алғаннан кейін жүргізеді.
АПВ-ға қарсы Вакцинация Дүниежүзілік денсаулық сақтау ұйымында (бұдан әрі – ДДСҰ) сертификатталған, 6 ай аралығымен 2 дозадан тұратын, Қазақстан Республикасында тіркелген АҚШ – тың 4 валентті «Гардасил» вакцинасын қолданады. Бұл вакцина АПВ 6,11,16 және 18 түрлерінен қорғайды.
Вакцинада тірі вирустар жоқ, инфекцияны тудырмайды және репродуктивті функцияға әсер етпейді! ДДСҰ 9 жастан 14 жасқа дейінгі қыздарды, жыныстық қатынас басталғанға дейін вакцинациялауды ұсынады.
Қазіргі уақытта қыз балаларды егу арқылы АПВ онкогендік түрлерінен қорғауға болады. Мектеп немесе емхананың егу кабинетінде жүргізіледі.
Ата-аналарға 11 жастан 13 жасқа дейінгі қыздарды АПВ-ға қарсы вакцинациялау ұсынылады.
Елімізде жыл сайын 1900 – ге жуық әйелде жатыр мойны обыры анықталады, оның ішінде 600 әйелде қолайсыз нәтиже көрсетіледі, статистикаға сәйкес, күн сайын 2 әйел жатыр мойны обырынан қайтыс болады.
АПВ-ның 200 – ден астам түрі белгілі, олардың 40 – тан астамы жыныс аймағына әсер етуі мүмкін және кем дегенде 14 – і онкологиялық ауруларды тудыруы мүмкін.
АПВ беріледі:
– жұқтырған АПВ-мен жанасу кезінде тұрмыстық байланыс жолы арқылы;
– тері және шырышты қабаттар;
– жыныстық қатынас кезінде;
– босану кезінде анадан балаға АПВ берілуі мүмкін.
АПВ – ға қарсы Вакцинация баланың өміріндегі маңызды қадам болып табылады, өйткені онколонкологиялық аурулардың алдын алудың тиімді, қауіпсіз әдісі және көптеген жылдар бойы қорғауды қамтамасыз етеді!
Ақпарат көзі : https://www.gov.kz/memleket/entities/departament-kkbtu-almaty/press/news/details/1024192?lang=kk
Жауап қалдыру