Жданов ауылдық округінде құқық бұзушылықтың алдын алуға және тұрғындардың құқықтық сауаттылығын арттыруға бағытталған іс-шаралар тұрақты түрде өткізіледі. Бұл бағыттағы жұмыста учаскелік полиция инспекторы маңызды рөл атқарады және жергілікті тұрғындармен тығыз байланыста жұмыс істейді.
Профилактикалық іс-шаралар аясында халықпен кездесулер, түсіндіру жұмыстары, сондай-ақ әкімшілік құқық бұзушылықтарды анықтау бойынша рейдтер ұйымдастырылады. Әсіресе тұрмыстық жанжалдардың, отбасылық зорлық-зомбылықтың және жастар арасындағы құқық бұзушылықтардың алдын алуға ерекше көңіл бөлінеді.
Учаскелік инспектор ауыл әкімдігі мамандарымен, білім беру және денсаулық сақтау саласының өкілдерімен бірлесіп мектептерде дәрістер, дөңгелек үстелдер мен акциялар өткізеді. Тұрғындарға заң талаптары, құқық бұзушылық үшін жауапкершілік және өз құқықтарын қорғау жолдары түсіндіріледі.
Осындай кешенді жұмыстар қоғамдық тәртіпті нығайтуға, құқық бұзушылық деңгейін төмендетуге және азаматтардың құқықтық мәдениетін қалыптастыруға ықпал етеді.
Ақпарат көзі : https://www.gov.kz/memleket/entities/kostanai-kostanai-zhdanov/press/news/details/1213445?lang=kk
Жауап қалдыру Жауапты болдырмау