2026 жылғы 26 мамырда Қазақстан Республикасының Экология және табиғи ресурстар Министрі Ерлан Нысанбаевтың Армения Республикасының Қазақстан Республикасындағы Төтенше және Өкілетті Елшісі Армен Гевондянмен кездесуі өтті.
Тараптар Қазақстан Республикасы мен Армения Республикасының ведомстволары арасында жасалған ынтымақтастық туралы меморандум шеңберінде екіжақты ынтымақтастықтың перспективалары мен ағымдағы жұмысты талқылады.
Министр Армения Республикасына 2026 жылғы сәуірде Астанада өткен өңірлік экологиялық саммитке белсенді қатысқаны үшін алғыс білдірді.
Биоалуантүрлілікті сақтау мәселелеріне, сондай-ақ 2026 жылғы қазанда Ереванда биологиялық әртүрлілік туралы Конвенция тараптарының алдағы 17-ші конференциясына ерекше назар аударылды.
Өз кезегінде Армен Гевондян осы конференцияға ағымдағы дайындық туралы айтып, Қазақстанның жоғары деңгейде қатысуына қызығушылық білдірді.
Кездесу қорытындысы бойынша тараптар екіжақты ынтымақтастықты нығайту ниетін растады және өзекті экологиялық міндеттерді шешуде одан әрі өзара іс-қимылға дайын екендіктерін білдірді.
Ақпарат көзі : https://www.gov.kz/memleket/entities/ecogeo/press/news/details/1228876?lang=ru
Жауап қалдыру Жауапты болдырмау