Ақтөбе облысының білім басқармасының басшысы Бұлбұл Күзембаева Ақтөбе қаласындағы №8 орта мектептің жапсарлас ғимаратын жаңа оқу жылына дайындау барысымен танысты.
№8 мектеп 2012 жылдың желтоқсанында пайдалануға берілген және 600 оқушы орнына есептелген. Бүгінде мұнда 1368 бала білім алуда.
Қосымша оқушы орындарын құру және білім алушыларға қолайлы әрі қауіпсіз жағдай жасау мақсатында 2024 жылы 300 орындық жапсарлас ғимараттың құрылысы басталды.
Нысанды аралау барысында Бұлбұл Күзембаева жаңа ғимараттағы оқу кабинеттері мен басқа да бөлмелерді көріп, олардың оқушыларды қабылдауға дайындығын бағалады. Сондай-ақ жаңа оқу жылына дейін аяқталуы тиіс дайындық жұмыстарының барысын талқылады.
Жаңа ғимаратта 13 бастауыш сынып кабинеті және 4 информатика кабинеті қарастырылған. Сонымен қатар білім беру және сабақтан тыс жұмыстарды толыққанды ұйымдастыру үшін медициналық кабинет, асхана, спорт залы, кітапхана және көркем еңбек шеберханасы жабдықталған.
Жапсарлас ғимараттың пайдалануға берілуі мектептегі оқушы орындарының санын арттырып, балаларға қолайлы әрі заманауи білім беру жағдайларын жасауға мүмкіндік береді. Жаңа оқу кеңістіктері оқу процесін тиімді ұйымдастыруға және негізгі ғимаратқа түсетін жүктемені азайтуға жағдай жасайды.
Ақпарат көзі : https://www.gov.kz/memleket/entities/aktobe-bilim/press/news/details/1271079?lang=ru
Жауап қалдыру Жауапты болдырмау