Мойынқұм ауданында алдағы сайлауды жоғары ұйымдастырушылық деңгейде өткізуге бағытталған дайындық жұмыстары жүйелі түрде жүргізілуде. Аталған жұмыстардың барысын бақылау мақсатында аудан әкімі Ермек Амангелдіұлы Карентаев тиісті жауапты бөлім басшыларымен бірге аудан орталығындағы бірқатар нысандарды аралап, сайлау учаскелерінің дайындығын тексерді.
Аудан әкімі алдымен аудан орталығында орналасқан үш білім беру ұйымына барып, сайлау учаскелерінің белгіленген талаптарға сәйкестігіне назар аударды. Жұмыс барысында сайлаушылардың дауыс беруіне қажетті жағдайлардың жасалуы, учаскелердің материалдық-техникалық тұрғыдан жабдықталуы, санитарлық талаптардың сақталуы, нысандардың жарықтандырылуы және қауіпсіздік шараларының қамтамасыз етілу барысы қаралды.
Сайлау учаскелерінде азаматтардың дауыс беруіне қолайлы әрі қауіпсіз жағдай қалыптастырудың маңыздылығы атап өтілді. Сонымен қатар, мүмкіндігі шектеулі азаматтар үшін қажетті жағдайлардың жасалуы, учаске аумағындағы тәртіп пен тазалықтың сақталуы, ақпараттық материалдардың талапқа сай орналастырылуы секілді мәселелер де назарға алынды.
Аудан басшысы нысандарды аралау барысында жауапты тұлғалардың атқарған жұмыстарын тыңдап, сайлау күніне дейін пысықталуы тиіс мәселелер бойынша нақты ұсыныстар мен тапсырмалар берді. Әрбір сайлау учаскесінің белгіленген талаптарға толық сәйкес болуы және сайлаушылар үшін барлық қажетті жағдайдың алдын ала қамтамасыз етілуі қажеттігі ескертілді.
Сондай-ақ аудан орталығындағы Мәдениет үйінде жүргізіліп жатқан сайлау алды дайындық жұмыстары да бақылаудан өтті. Нысанның жалпы жағдайы, сайлау процесін ұйымдастыруға қажетті мүмкіндіктер, қауіпсіздік шаралары және тиісті талаптардың орындалу деңгейі қаралды.
Мәдениет үйі сияқты қоғамдық маңызы бар нысандарда сайлау процесін ұйымдастыру кезінде азаматтардың еркін әрі кедергісіз дауыс беруіне қажетті жағдай жасауға ерекше мән берілуде. Осыған байланысты ғимараттың ішкі-сыртқы жағдайы, жарықтандырылуы, санитарлық тазалығы және қауіпсіздік талаптарының сақталуы бойынша тиісті жұмыстарды толық аяқтау тапсырылды.
Аудан әкімі жауапты бөлім басшыларына сайлау учаскелерінің әзірлігін күнделікті бақылауда ұстауды, анықталған кемшіліктерді дер кезінде жоюды және ұйымдастыру жұмыстарын сапалы аяқтауды тапсырды. Сонымен бірге сайлау процесіне қатысатын жауапты қызметкерлердің өз міндеттерін талапқа сай орындауы, қажетті құрал-жабдықтардың толық дайын болуы және учаскелердің жұмысқа уақытылы әзірленуі маңызды екені айтылды.
Жалпы, Мойынқұм ауданында сайлауды ашық, ұйымдасқан және жоғары деңгейде өткізуге бағытталған жұмыстар жалғасуда. Барлық жауапты мекемелер мен қызметтерге тиісті міндеттер жүктеліп, олардың орындалуы аудан басшылығының тұрақты бақылауында.
Сайлау – азаматтардың конституциялық құқықтарын жүзеге асыратын маңызды қоғамдық-саяси процесс. Сондықтан оның талапқа сай, ашық әрі ұйымдасқан түрде өтуін қамтамасыз ету – ортақ міндет.
Ақпарат көзі : https://www.gov.kz/memleket/entities/zhambyl-moyynkum/press/news/details/1273419?lang=ru
Жауап қалдыру Жауапты болдырмау