Валюталық бақылауды жүзеге асыру және валютаны репатриациялау талаптарын, сондай-ақ валюталық шарттар бойынша ақпарат ұсыну мерзімдерін бұзғаны үшін жауапкершілік.

Валюталық бақылауды жүзеге асыру және валютаны репатриациялау талаптарын, сондай-ақ валюталық шарттар бойынша ақпарат ұсыну мерзімдерін бұзғаны үшін жауапкершілік. Валюталық заңнама талаптарының сақталуын қамтамасыз ету мақсатында уәкілетті органдар резиденттердің валюталық операцияларды жүзеге асыруына және валюталық шарттар бойынша міндеттемелерді орындауына валюталық бақылауды жүзеге асырады. Валюталық бақылау шеңберінде валютаны репатриациялау талаптарының сақталуына, сыртқы экономикалық шарттар бойынша міндеттемелердің уақтылы орындалуына, сондай-ақ валюталық шарттар бойынша ақпарат пен құжаттардың белгіленген тәртіппен және мерзімдерде ұсынылуына ерекше назар аударылады. Сыртқы экономикалық қызметті жүзеге асыратын резиденттер валюталық заңнама талаптарының тиісінше орындалуын қамтамасыз етуге, оның ішінде ақша қаражатының түсу мерзімдерін, контрагенттердің міндеттемелерді орындауын және валюталық бақылау органдарына қажетті ақпаратты ұсынуды бақылауға міндетті.  Заңнама талаптарының бұзылғаны анықталған жағдайда заңнамада көзделген ден қою шаралары қолданылады. Валютаны репатриациялау талаптарын бұзу, сондай-ақ валюталық шарттар бойынша ақпарат ұсынудың белгіленген мерзімдерін сақтамау кінәлі тұлғалардың әкімшілік немесе заңда көзделген өзге де жауапкершілікке тартылуына әкеп соғуы мүмкін.

Бұзушылықтарға жол бермеу мақсатында сыртқы экономикалық қызметке қатысушыларға:

* валюталық шарттар бойынша міндеттемелерді орындау мерзімдерін уақтылы бақылау;
* валюталық түсімнің заңнамада белгіленген мерзімдерде түсуін қамтамасыз ету;
* валюталық шарттар бойынша ақпарат пен құжаттарды уақтылы ұсыну;
* валюталық бақылау шеңберінде ұсынылған мәліметтердің өзектілігін бақылау;
* міндеттемелердің уақтылы орындалуына кедергі келтіретін мән-жайлар туындаған кезде заңнама талаптарына сәйкес қажетті шараларды дереу қабылдау ұсынылады.

Валюталық бақылауды жүзеге асыру тек бұзушылықтарды анықтауға және олардың жолын кесуге ғана емес, сонымен қатар валюталық заңнама талаптарының сақталмауының алдын алуға бағытталған.

Ақпарат көзі : https://www.gov.kz/memleket/entities/kgd-alm/press/news/details/1289993?lang=ru