Қазақстанда ұзақ уақыт бойы зиянды еңбек жағдайларында жұмыс істеген азаматтар үшін арнайы әлеуметтік төлем қарастырылған.
Бұл төлемге кім құқылы?
Негізгі шарттар-55 жасқа толу және жиынтығында кемінде 84 ай, яғни жеті жыл міндетті кәсіптік зейнетақы жарналарын төлеу.
Зиянды еңбек жағдайларында жұмыс істейтін азаматтар үшін төлем төрт көзден қарастырылған.
Біріншісі-республикалық бюджеттен арнайы кәсіптік мемлекеттік жәрдемақы.
Екіншісі-зейнетақы алдындағы аннуитеттік сақтандыру шарты бойынша сақтандыру төлемі.
Үшіншісі-жұмыс берушінің қаражаты есебінен кәсіби төлем.
Төртінші-Бірыңғай жинақтаушы зейнетақы қорынан міндетті кәсіптік зейнетақы жарналары есебінен зейнетақы төлемі.
Бұл ретте зиянды еңбек жағдайларында жұмысты тоқтату немесе зиянды өндірістік факторлардың әсерін болдырмайтын басқа жұмысқа ауыстыру міндетті шарт болып табылады. Бұл төлемдер үшін проактивті тағайындау, яғни ұйымның кадрлық қызметі арқылы қарастырылған.
Бұрын зиянды жағдайларда жұмыс істеген, бірақ қазіргі уақытта мұндай жұмыстармен айналыспайтын азаматтар үшін 55 жасқа толу және жиынтығында кемінде 84 ай міндетті кәсіптік зейнетақы жарналарын төлеу шарттары сақталған жағдайда екі төлем көзделген: арнайы кәсіптік мемлекеттік жәрдемақы және Бірыңғай жинақтаушы зейнетақы Қорынан зейнетақы төлемі. Оларды тағайындау үшін тұрғылықты жері бойынша “Азаматтарға арналған үкімет” мемлекеттік корпорациясына жүгіну қажет.
Арнаулы кәсіптік мемлекеттік жәрдемақы төлеу алушы Қазақстан Республикасы Әлеуметтік кодексінің 207-бабында белгіленген зейнеткерлік жасқа толғанға дейін жүзеге асырылады.
Ақпарат көзі : https://www.gov.kz/memleket/entities/enbek-kostanay/press/news/details/1310704?lang=ru
Жауап қалдыру