Үлкен Нарын ауданы әкімінің аппараты «Таза Қазақстан» жалпыұлттық экологиялық бастамасы аясында «Таза аула» аудандық конкурсының өткізілетінін хабарлайды.
Конкурстың мақсаты – елді мекендердің санитарлық жағдайын жақсарту, аумақтарды абаттандыру және көгалдандыру, тұрғындардың экологиялық мәдениетін қалыптастыру, сондай-ақ тазалық пен тәртіпті сақтауға деген жауапкершілігін арттыру.
Конкурсқа ауданның ауылдық округтері, жеке тұрғын үйлер мен көппәтерлі тұрғын үйлердің тұрғындары, ОСИ, ПИК, сондай-ақ аудан аумағында орналасқан ұйымдар мен мекемелер қатыса алады.
Қатысушыларды бағалау кезінде аулалар мен көшелердің санитарлық жағдайы, аумақтарды абаттандыру және көгалдандыру, гүлзарлар мен жасыл желектердің болуы, тұрғындардың сенбіліктер мен экологиялық іс-шараларға қатысуы, сондай-ақ тазалық пен тәртіпті сақтаудағы белсенділігі ескеріледі.
Конкурсқа қатысу үшін Үлкен Нарын ауданы әкімінің аппаратына өтінім,
абаттандыру жұмыстарына дейінгі және кейінгі аумақтың фотосуреттері, сондай-ақ атқарылған жұмыстар мен аумақтың жай-күйін көрсететін бейнеролик ұсыну қажет. Ұсынылған материалдар елді мекеннің көркін жақсартуға және тазалықты сақтауға қосқан үлесті көрсетуі тиіс.
Өтінімдер мен конкурстық материалдарды қабылдау мерзімі – 2026 жылғы 31 қазанға дейін қоса алғанда.
Қатысу және материалдарды ұсыну мәселелері бойынша Үлкен Нарын ауданы әкімінің аппаратына хабарласуға болады.
Аудан тұрғындарын, ауылдық округтерді, ұйымдар мен мекемелерді «Таза аула» конкурсына белсенді қатысуға, туған өлкені абаттандыруға, қоршаған ортаны қорғауға және өмір сүруге қолайлы жағдай қалыптастыруға өз үлестерін қосуға шақырамыз!
Ақпарат көзі : https://www.gov.kz/memleket/entities/vko-ulken-naryn/press/news/details/1311264?lang=ru
Жауап қалдыру