Маңғыстау ауданы полиция бөлімі «ҚазАвтоЖол» мекемесімен бірлесіп, «Жолдағы қабылдау» акциясын өткізді.
Іс-шара аясында Маңғыстау ауданы полиция бөлімінің қоғамдық қауіпсіздік бөлімшесінің қызметкерлері жүргізушілермен түсіндіру жұмыстарын жүргізді.
Кездесу барысында жол-көлік оқиғаларының алдын алу, жол жүрісі қағидаларын қатаң сақтау, белгіленген жылдамдық режимін бұзбау және жол қауіпсіздігі талаптарын орындау мәселелеріне ерекше назар аударылды.
Полиция қызметкерлері жүргізушілерді жолда мұқият болуға, жылдамдықты белгіленген шектен асырмауға және өз өмірі мен денсаулығына, сондай-ақ жол қозғалысының басқа да қатысушыларының қауіпсіздігіне жауапкершілікпен қарауға шақырды.
Жол жүрісі қағидаларын сақтау – әрбір азаматтың міндеті. Қауіпсіздік жолдағы жауапкершіліктен басталады!
Ақпарат көзі : https://www.gov.kz/memleket/entities/mvd-mangystau/press/news/details/1312368?lang=ru
Жауап қалдыру