Талдықорғанда Жеңістің 80 жылдығына арналған акция өтті. Жетісу облысы бойынша Қазақстан Халық партиясының филиалы мен әскери-техникалық мектеп бірлесіп, Естелік аллеясын ашты. Ардагерлер саябағында маңызды мерейтойды білдіретін 80 көшет егілді.
Бұл шара Ұлы Отан соғысы батырларына көрсетілген құрмет қана емес, сондай-ақ болашақтың, үміт пен өсудің нышаны болды. Егілген көшеттер — көз қуантатын және ұрпақ ерлігін ұзақ жылдар бойы еске салатын тірі ескерткіш. Акцияға Халық партиясының өкілдері, әскери-техникалық мектептің курсанттары, ардагерлер мен қала тұрғындары қатысты. Қатысушылар бұл шараның жақсы дәстүрге айналып, патриоттық тәрбие мен тарихқа құрмет көрсетуге ықпал ететініне үміт білдірді.
Акция Талдықорған жұртшылығының кең қолдауына ие болып, ерлікпен қаза тапқандардың рухына деген құрмет пен Жеңіске үлес қосқан жандарға алғыс сезімінің жарқын көрінісіне айналды. Егілген ағаштар саябақты көркейтіп қана қоймай, бейбіт болашақтың маңыздылығын еске салатын болады.
Ақпарат көзі : https://www.gov.kz/memleket/entities/zhetysu-comdev/press/news/details/990874?lang=kk
Жауап қалдыру