Ағымдағы жылдың 30 сәуірінде Қосшы қаласының әкімдігінде Сыбайлас жемқорлыққа қарсы алдын алу мәжіліс өтті.
Іс-шара «Заң мен тәртіп» тұжырымдамасын іске асыру шеңберінде ұйымдастырылып, мемлекеттік қызметшілер арасында адалдық пен Сатылмаушылық мәдениетін нығайтуға бағытталған.
Спикер ретінде ауданаралық Сыбайлас жемқорлыққа қарсы іс-қимыл басқармасының басшысы Қанат Қоржымбаев сөз сөйледі.
Ол сыбайлас жемқорлыққа қарсы шаралардың тиімділігі көбінесе басшылардың жеке үлгісіне, олардың заң шеңберінде әрекет етуге және ашық басқару процестерін құруға дайын екендігіне байланысты екенін атап өтті.
Кездесу барысында мемлекеттік басқару жүйесіндегі сыбайлас жемқорлық тәуекелдерінің алдын алудың өзекті мәселелері қаралды, сондай-ақ оларды барынша азайту бойынша практикалық ұсынымдар берілді.
Сонымен қатар, «Сыбайлас жемқорлыққа қарсы волонтерлік» және «Бизнеске жол» жобаларының мүмкіндіктері жеткізілді.
Кездесу соңында сыбайлас жемқорлыққа қарсы сипаттағы әлеуметтік бейнеролик көрсетілді.
#Заң_мен_Тәртіп #ЗАҢменТӘРТІП
Ақпарат көзі : https://www.gov.kz/memleket/entities/anticorruption-aqmola/press/news/details/992035?lang=kk
Жауап қалдыру