Бүгін депутаттар Н.Тәжібаева, Т. Рублев, Я. Савчин, Б. Майпасова жұмыспен қамту және әлеуметтік бағдарламалар бөлімінің басшысы М. Шегаймен бірге Белсенді ұзақ өмір сүру орталығына, Мүгедектерді әлеуметтік бейімдеу орталығына, Отбасын қолдау орталығына барды. Бұл мемлекеттік тапсырыс аясында Саран қаласының жұмыспен қамту және әлеуметтік бағдарламалар бөлімі жүзеге асырып жатқан жобалар, қала тұрғындары үшін өте маңызды. Олар қазірдің өзінде тұрғындардың белсенді баратын орнына айналды.
Барлық орталықтарда қызметтер тегін көрсетіледі – және де бұл өзекті болып табылады. Барлық жерде жұмыс бағыты әртүрлі екенін атап өткен жөн, бірақ мақсаты бір – қиын өмірлік жағдайға тап болған азаматтарды қолдау, ерекше қажеттіліктері бар адамдардың өмір сүру сапасын арттыру, азаматтарды белсенді қызметке тарту. Бұл заңгерлік кеңестер, психологиялық көмек, мұқтаж жандарға азық-түлік жиынтығын ұсыну, қоғамдық өмірге қатысу, мемлекеттік қызметтерді алу бойынша білім деңгейін арттыру, зейнеткерлер үшін қызықты демалыс және т.б. Депутаттар орталықтардың орналасқан жері жақсы екенін, маңызды жағын, қызметкерлер үшін де, келушілер үшін де жақсы жағдайлар жасалғанын атап өтті. Әрбір жүгінген адам мұнда білікті және уақтылы көмек ала алатыны маңызды. Орталықтар қолдауды қажет ететін барлық жанға ашық!
Ақпарат көзі : https://www.gov.kz/memleket/entities/maslihat-karaganda-saran/press/news/details/996025?lang=kk
Жауап қалдыру