Қарағандыда футболдан балаларға арналған дәстүрлі тегін жаттығулар қайта басталады. Бастама AMANAT футбол мектебіне тиесілі.
Биыл «Футбол әркімге қолжетімді» әлеуметтік жобасы төртінші рет жүзеге асырылуда. Тілек білдірушілерді UEFA «D» санатындағы білікті бапкерлер жаттықтыратын болады.
Тегін жаттығулар жаздың үш айына созылады.
Оларды Орталық мәдениет және демалыс саябағында, қайың тоғайы ауданындағы далада өткізеді.
Amanat Arena спорт кешенінің директоры Бахтияр Бекмырзаевтың айтуынша, мұндай жобалар өте маңызды. Біріншіден, олар балаларға өз әлеуеттерін ашуға және спортты ұнатуға мүмкіндік береді. Екіншіден, футбол командалары бұрын ешқандай үйірмелер мен секцияларда айналыспаған дарынды ойыншыларды таба алады.
«Футбол әркімге қолжетімді» жобасының жұмысы туралы сұрақтарды 8-775-729-67-03 жұмыс күндері сағат 09:00–19:00 аралығында телефон арқылы қоюға болады.
Ақпарат көзі : https://www.gov.kz/memleket/entities/karaganda/press/news/details/1007157?lang=kk
Жауап қалдыру