Жұмыс сапары аясында аудандық санитариялық-эпидемиологиялық бақылау басқармасының басшылығымен кеңес өтті. Кездесу барысында аудандағы эпидемиологиялық ахуалға қатысты негізгі мәселелер, оны тұрақтандыру және жақсарту бойынша алдағы шаралар талқыланды.
Әсіресе, халыққа санитариялық-эпидемиологиялық қадағалау саласында мемлекеттік қызмет көрсету мәселелеріне ерекше назар аударылды. Кеңеске қатысушылар азаматтардың өтініштерін қарау тиімділігін талдап, проблемалық тұстарды анықтап, оларды шешу жолдарын белгіледі.
Сонымен қатар, санитариялық нормалардың бұзылуына байланысты құқық қолдану қызметін қоса алғанда, әкімшілік практика мәселелері қаралды. Бұзушылықтардың санын азайту және халық пен кәсіпкерлік сектор арасындағы санитариялық мәдениетті арттыру мақсатында алдын алу жұмыстары мен ақпараттық сүйемелдеудің сапасын арттыру қажеттігі сөз болды.
Кеңес қорытындысы бойынша Канат Искаков аудандық басқарманың жұмыс тиімділігін арттыруға бағытталған бірқатар тапсырмалар берді. Ол азаматтардың өтініштеріне дер кезінде ден қоюдың, санитариялық сипаттағы шараларды жедел қабылдаудың және жергілікті атқарушы органдармен тығыз ынтымақтастық орнатудың маңыздылығын атап өтті.
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/1015649?lang=kk
Жауап қалдыру