Прокуратура қала әкімдігі, кәсіпкерлер палатасымен бірлесіп, бизнес қауымдастығымен кездесу өткізді.
Жер учаскелерін беру, санитариялық-қорғаныш аймақтарын сақтау, индустриялық аймақтарға инфрақұрылымды жеткізудің өзекті мәселелері талқыланып, олар бойынша шоғырландырылған шешімдер әзірленді.
Қала прокуратурасы ағымдағы жылдың басынан 18 инвесторға индустриялық аймақтан жер учаскелерінің берілуі қамтамасыз етілгенін, 2 мыңнан астам кәсіпкердің құқығы қорғалғанын, 10 әкімшілік кедергі жойылғанын, 14 адам тәртіптік, 1 тұлға әкімшілік жауаптылыққа тартылғанын атап өтті.
Бизнес субъектілердің құқықтарын қорғау мәселесі қала прокуратурасының ерекше бақылауында.
Бизнес субъектілері өзекті мәселелер туындаған жағдайда кәсіпкерлер мен инвесторлардың құқықтарын қорғау жөніндегі байланыс орталығының +77076150010 нөміріне немесе Фронт-офиске (Шымкент қаласы, Ерімбетов көшесі, 304 г, Заңғар бизнес орталығының ғимараты) хабарласа алады.
Шымкент қаласының прокуратурасы
Ақпарат көзі : https://www.gov.kz/memleket/entities/prokuratura-shymkent/press/news/details/1033507?lang=kk
Жауап қалдыру