Балалардың өмірі – басты байлығымыз. Өкінішке қарай, соңғы уақытта терезеден құлау жағдайлары жиілеп кетті. Мұндай қайғылы оқиғалардың алдын алу – әр ата-ананың тікелей міндеті!
Балаларды қорғау үшін есте сақтаңыз:
🔸 Балаңызды терезеге жақын қалдырмаңыз
🔸 Терезені ашып қойғанда, москит торына сенбеңіз! Ол қорғаныс емес
🔸 Терезеге арнайы құлып қойыңыз немесе ашылмайтындай етіп бекітіңіз
🔸 Жиһаздарды (төсек, үстел, орындық) терезе жанына қоймаңыз – бұл терезеге шығуға мүмкіндік береді
🔸 Бала терезеге шықпасын – бақылаусыз қалдырмаңыз
🔸 Терезеден сыртқа қарау кезінде бірге болыңыз
Қауіп – бір сәтте орын алуы мүмкін!
Жауапкершілікпен қарап, балаларыңыздың қауіпсіздігін алдын ала қамтамасыз етіңіз!
Балаларға арналған ойын алаңдарындағы әткеншек, сырғанақ, айналмалы құрылғылар сияқты механизмдер — олардың қуанышы, бірақ қауіп те сол жерде жасырынуы мүмкін.
Сақтық шараларын ескеріңіз:
– Бала ойнап жатқанда үнемі бақылауда ұстаңыз;
– Әткеншек, сырғанақ, айналма құрылғылардың техникалық жағдайына назар аударыңыз;
– Механизмдерге жақындап ойнағанда, киімінің ілгектері, баулары қауіп тудырмауын қадағалаңыз;
– Баланы құрылғы толық тоқтамай жатып мінгізбеңіз және түсірмеңіз;
– Кішкентай балаларды үлкендерге арналған құрылғыларға шығармаңыз.
Бір сәттік бейқамдық – үлкен қауіпке әкелуі мүмкін. Баланың қауіпсіздігі – басты назарда болсын!
Ақпарат көзі : https://www.gov.kz/memleket/entities/aqmola-selinograd/press/news/details/1035139?lang=kk
Жауап қалдыру