Мүгедектігі бар адамдардың құқықтарын сақтау және арнаулы әлеуметтік қызметтер көрсету сапасының мониторингі жөніндегі қызмет аясында 2025 жылғы 22 шілдеде «Тайынша әлеуметтік қызмет көрсету орталығы» КММ-да Қазақстан Республикасында адам құқықтары жөніндегі уәкілдің Солтүстік Қазақстан облысы бойынша өкілі қызмет алушылардың туыстарымен және қоғамдық кеңес өкілдерімен онлайн-кездесті.
Іс-шара барысында Адам құқықтары жөніндегі уәкіл өкілінің осы жылдың маусым айында Орталыққа бару қорытындылары айтылды. Онда тұру жағдайлары, қызмет көрсету сапасы, сондай-ақ бұрын берілген ұсыныстардың орындалуы сияқты мәселелер талқыланды.
Сондай-ақ, кездесу аясында Қоғамдық кеңестің ағымдағы жылдың бірінші жартыжылдығында өткізген мониторинг қорытындылары туралы ақпарат ұсынылды.
Ақпарат көзі : https://www.gov.kz/memleket/entities/sko-ukzsp/press/news/details/1039276?lang=kk
Жауап қалдыру