Жапонияның Осака қаласында өтіп жатқан Дүниежүзілік EXPO-2025 көрмесіндегі Қазақстан күндері аясында қонақтар алдында бірнеше әлемдік рекорд иесі, қазақстандық спортшы және шоумен Сергей Цирульников өнер көрсетті.
Күні бойы ол келушілерді өзінің бірегей физикалық мүмкіндіктерімен таң қалдырды: тағалар мен металл табаларды бүгіп, күш пен төзімділікті көрсетті. Ол бағдарламаның мәдени бөлігіне ерекше назар аударып, қонақтарды қазақтың дәстүрлі ойындарымен таныстырды, тіпті оларды көрермендер арасында өткізіп, интерактивке тартты және мерекелік атмосфера орнатты.
Сергей Цирульниковтың өнері Қазақстан бағдарламасының жарқын элементі болып, спорт, ұлттық мәдениет және халықаралық аудиториямен тікелей қарым-қатынасты
бір шоу аясында көрсете алды.
Ақпарат көзі : https://www.gov.kz/memleket/entities/astana-uir/press/news/details/1049232?lang=kk
Жауап қалдыру