«Рөлде отырып, ұйықтап қалмаңыз!» — Қостанай облысы жолдарында акция өтеді

«Рөлде отырып, ұйықтап қалмаңыз!» — Қостанай облысы жолдарында акция өтеді

Қостанай облысында «Рөлде отырып, ұйықтап қалмаңыз!» атты профилактикалық акция өтті. Шараны облыс полицейлері ұйымдастырды.

Әулиекөл ауданына баратын тас жолда полицейлер көліктерді тоқтатып, жүргізушілерге ішу үшін су таратты және рөлде демалудың маңыздылығын еске салды. Акцияның басты мақсаты — шаршаған күйде көлік басқару мәселесіне назар аударту.

Түнгі жол — қауіп аймағы

Жол-көлік оқиғаларының жағдайын талдау бойынша, сағат 22:00-ден 06:00-ге дейін облыс жолдарында 422 жол апаты болған. Соның салдарынан 2 адам қаза тауып, 702 адам түрлі жарақат алған. Мұндай жағдайлардың көбі — шаршаған жүргізушілердің назарын жоғалтып, жағдайды бақылаудан шығаруынан орын алады.

Қарапайым шаралар — жоғары нәтиже

Полиция қызметкерлері жүргізушілерге тек көліктің техникалық жағдайын ғана емес, өздерінің денсаулығын да бақылап отыру қажеттігін ескертеді:

«Ең мықты, ақаусыз көлік те, егер жүргізуші ұйықтамаған, шаршаған немесе денсаулығы сыр берсе, қауіптен қорғай алмайды. Сондықтан өз күшіңізді асыра бағаламаңыз, алғашқы шаршау белгілері байқалса — тоқтап, демалыңыз», — деп атап өтті облыстық Полиция департаментінде.

Акцияға қатысушыларға мына ережелерді сақтау қажеттігі еске салынды:

– жылдамдық режимін сақтау,
– маневр жасау қағидаларын қатаң ұстану,
– қауіпсіздік белдігін тағу,
– ЖҚЕ-ні мүлтіксіз орындау.

Жолдағы көмек

Акция барысында патрульдік полицейлер 62 жастағы ер адамды байқап қалған. Ол жаяу күйде Әулиекөл ауданына қарай кетіп бара жатқан. Полиция қызметкерлері оның көмекке мұқтаж екенін біліп, жолдан өткен көлікті тоқтатып, ер адамды діттеген бағытына жеткізетін көлікке отырғызды. Ер адам полицейлерге назар мен қамқорлығы үшін алғысын білдірді.

Қауіпсіздік — өзіңізден басталады

Ұйымдастырушылардың айтуынша, жолдағы қауіпсіздік — назар, жауапкершілік және уақытылы демалыстан басталады. Әр жүргізушінің әрекетіне тек өзінің ғана емес, жолдағы өзге қатысушылардың да өмірі байланысты.

Есте сақтаңыз: жол қателікті кешірмейді. Өзіңізді және жақындарыңызды қорғаңыз!

Ақпарат көзі : https://www.gov.kz/memleket/entities/kostanai-altynsarin-ilias-omarov/press/news/details/1051722?lang=kk