Бүгін Жетісу облыстық мәслихатының депутаттары жаңа оқу жылы мен алдағы жылыту маусымына дайындықты пысықтау мақсатында өңір мектептеріне мониторинг жұмыстарын бастады.
Бір аптаға жоспарланған жұмыс сапары Ескелді ауданындағы білім ордаларынан бастау алды. Бүгінгі мониторингтік топ құрамында Жетісу облыстық мәслихатының депутаты, комиссия төрағасы Р.Салыкова, Жетісу облыстық мәслихатының депутаты Ж.Оспанов, Ескелді аудандық мәслихатының төрағасы Қ.Сатанов пен Ескелді аудандық мәслихатының депутаты Р.Мейірбекова болды.
Депутаттар аудан аумағында орналасқан 25 мектептің 12-не барып, мониторинг жүргізді. Атап айтқанда:
- жаңа оқу жылына арналған оқулық қорының жеткіліктілігі;
- инклюзивті сыныптар үшін пандустардың қолжетімділігі мен талаптарға сәйкестігі;
- қауіпсіздік жүйелері — бейнебақылау камералары мен дабыл түймелерінің жұмыс істеу жағдайы;
- спорт алаңдары мен дәретханалардың санитарлық жағдайы;
- алдағы жылыту маусымына дайындық, атап айтқанда, қазандықтардың техникалық ахуалы.
Мониторинг барысында депутаттар анықталған өзекті мәселелерді назарға алып, жауапты сала өкілдеріне тиісті ұсыныстар мен тапсырмалар берді. Жұмыс қорытындылары алдағы әлеуметтік сала бойынша тұрақты комиссияның отырысында қаралады.
Мониторинг жұмыстары алдағы күндері облыстың басқа аудандарында жалғасатын болады.
Ақпарат көзі : https://www.gov.kz/memleket/entities/zhetisy-maslihat/press/news/details/1049830?lang=kk
Жауап қалдыру