Түркістан қаласы аумағында экологиялық тазалықты сақтау және қаланың көркейту-көгалдандыру жұмыстарына тұрғындар мен мекемелердің қатысуын арттыру мақсатында жалпы қалалық сенбілік өтті.
Тазалық шарасына қала әкімдігіне қарасты дербес бөлімдер, 6 сектор, коммуналдық мемлекеттік мекемелер мен кәсіпорындар, сондай-ақ жауапкершілігі шектеулі серіктестіктерден құралған 500-ге жуық қызметкер жұмылдырылды.
Сенбілік барысында 4 арнайы техника тартылып, Отырар тұрғын алқабы аумағында арамшөптер шабылып, аяқ жолдар сыпырылды және тұрмыстық қалдықтар жиналды. Жүргізілген жұмыстардың нәтижесінде 8 тоннаға жуық қоқыс шығарылып, аумақ толықтай тазартылды.
Ақпарат көзі : https://www.gov.kz/memleket/entities/turkestan-kalasy/press/news/details/1048473?lang=kk
Жауап қалдыру