Ақсу қаласының Төтенше жағдайлар бөлімінің қызметкерлері мектепке дейінгі мекемелердің тәрбиешілерімен нұсқаулық өткізді. Басты назар балаларды үнемі бақылау қажеттілігіне, сондай-ақ тұрғын және білім беру ғимараттарында қауіпсіз жағдайларды қамтамасыз етуге аударылды.
Профилактикалық жұмыс барысында ақпараттық жадынамалар таратылып, көрнекті орындарға орналастырылды, балалардың терезеден құлау қаупі туралы ескертумен ата-аналарға арналған бейнероликтер дайындалды және жолданды.
Сонымен қатар, терезелер мен балкон есіктерінің техникалық жай-күйіне бекіту құрылғыларының жарамдылығы мен олардың мықтылығы тексерілді.
Жаз мезгілінде балалардың терезе мен балкондардан құлап кету қаупі артады. Павлодар облысының ТЖД балаларды тұрақты бақылау қажеттігін еске салады!
– Кішкентай балаларды қараусыз қалдырмаңыз, әсіресе терезелері мен балкондары ашық бөлмелерде;
– Ешқашан москит торларын қорғаныс құралы ретінде пайдаланбаңыз-бала оларға сүйеніп, құлап кетуі мүмкін;
– Терезелер мен балкон есіктеріне сенімді құлыптау құрылғыларын орнатыңыз;
– Балалармен қауіпсіздік ережелері туралы әңгімелер өткізіңіз.
Ақпарат көзі : https://www.gov.kz/memleket/entities/emer-pavlodar/press/news/details/1054198?lang=kk
Жауап қалдыру