ҚР ҰКП «Атамекен» Шымкент қалалық кәсіпкерлер палатасында төтенше жағдайлардың алдын алу және оқу-жаттығуларды тиімді ұйымдастыру тақырыбында дөңгелек үстел іс-шарасы өтті.
Отырысқа Шымкент қаласы ТЖ департаментінің Мемлекеттік өрт бақылау басқармасының бастығы, азаматтық қорғау подполковнигі Н. Педен және Өрт сөндіру және авариялық-құтқару жұмыстарын ұйымдастыру бөлімі бастығының орынбасары, азаматтық қорғау подполковнигі А. Байташев төрағалық етті.
Жиынға қаладағы ірі сауда орталықтарының, базарлардың, білім беру және медициналық мекемелердің, сондай-ақ халық көп жиналатын орындардың басшылары мен жауапты мамандары қатысты.
Кездесу барысында төтенше жағдайлардың алдын алу шаралары талқыланып, оқу-жаттығулардың сапасын арттыруға қатысты ұсыныстар берілді. Сонымен қатар, нысандардағы өрт қауіпсіздігі мен азаматтық қорғау талаптарын сақтау мәселесіне ерекше көңіл бөлінді.
Ақпарат көзі : https://www.gov.kz/memleket/entities/emer-shymkent/press/news/details/1055698?lang=kk
Жауап қалдыру