«Омбы трассасында көрсеткен көмектері үшін қызметкерлерге зор алғысымды білдіремін», – деген сөздер СҚО ПД жергілікті полиция қызметі басқармасының Instagram әлеуметтік желісіндегі ресми парақшасына direct-хабарлама түрінде келіп түсті. Жолда қиын жағдайға тап болған пайдаланушы полицейлерге ризашылығын білдірді.
21 тамыз күні кешкісін СҚО ПД патрульдік полиция батальонының қызметкерлері Сергей Михайленко мен Дамир Келдіғұлов «Челябі – Новосібір» тас жолының 623-шақырымында ақмолалық нөмірлі «Toyota» автокөлігін байқап қалды. Салонда бастауыш сынып жасындағы бала бар үш жолаушы отырған.
Көліктің доңғалағы жарылып, жүргізуші жалғыз өзі жаңбырдан кейінгі тайғақ жол жиегінде оны ауыстыра алмай әбігерге түскен. Ескі домкрат жұмысты қауіпті еткен. Полицейлердің көмегінің арқасында мәселе қысқа уақытта шешіліп, Ақмола облысының тұрғындары жолдарын жалғастыра алды.
«Бұл – біздің қызметтік міндетіміз. Қазақстан жолдарындағы әрбір азамат өзін қауіпсіз сезінуі тиіс. «Заң және Тәртіп» тұжырымдамасының патрульдік полиция тұрғысынан жүзеге асуы дәл осылай көрініс табады, – дейді қызметкерлер. – Барлық жүргізушілерді жолда мұқият болып, жол қозғалысы ережелерін қатаң сақтауға шақырамыз».
Ақпарат көзі : https://www.gov.kz/memleket/entities/mvd-sko/press/news/details/1056519?lang=kk
Жауап қалдыру