Целиноград ауданы Қаражар ауылында газдандыру жобасы қарқынды жүзеге асырылуда. Бүгінгі күні медициналық пункттің оң жағында орналасқан барлық көшелерде жұмыс толық аяқталды. Қазіргі таңда құрылыс сол жақ бөлікке ауысты. Төмен қысымды құбыр тарту жұмыстары Тоныкөк пен Исатай Тайманов көшелерінде толық аяқталды, қазіргі таңда Жәнібек хан көшесінде белсенді түрде жүргізілуде. Кейін жұмыстар Асан Қайғы көшесінде жалғасатын болады. Қаражар ауылындағы газ құбырының ұзындығы 53 км. Өткізілген конкурс қорытындысы бойынша жаңа мердігер ұйым – «Сырэнергогазстрой» ЖШС анықталды.
Қаражар ауылын газдандыру – инженерлік инфрақұрылымды жақсартуға және халықтың өмір сүру сапасын арттыруға бағытталған негізгі жобалардың бірі. Жобаны жүзеге асырудың арқасында ауыл тұрғындары экологиялық таза әрі үнемді отын түрін пайдалана алады, көмір мен отынға тәуелділік азаяды, тұрмысқа барынша қолайлы әрі заманауи жағдай жасалады.
Ақпарат көзі : https://www.gov.kz/memleket/entities/aqmola-selinograd/press/news/details/1056670?lang=kk
Жауап қалдыру