Республика күні мерекесінде Темір қаласында жаңа денешынықтыру-сауықтыру кешені пайдалануға берілді.
Салтанатты шараға аудан әкімі мен қала тұрғындары қатысты.
«Бұл кешен – тұрғындарымыздың салауатты өмір салтын ұстануына, спортпен тұрақты айналысуына мүмкіндік беретін маңызды нысан. Біздің мақсат – жастардың бос уақытын тиімді өткізіп, дені сау, белсенді ұрпақ тәрбиелеу. Республика күнінде ашылып отырған жаңа кешеннің игілігін көруге тілектеспін!» – деді әкім Алмас Жақсылықов.
Жаңа спорт нысаны бір уақытта 80-100 адамды қабылдай алады. Кешен заманауи спорт құрылғыларымен жабдықталған, мұнда 6 түрлі спорт секциясы жұмыс істейді.
Айта кетейік, мұндай инфрақұрылымдық жобалар аймақта салауатты өмір салтын насихаттауға және бұқаралық спортты дамытуға серпін бермек.
Ақпарат көзі : https://www.gov.kz/memleket/entities/aktobe/press/news/details/1093546?lang=kk
Жауап қалдыру