Ауданда денсаулық сақтау саласын дамытуға, халықтың медициналық қызметтерге қол жетімділігін арттыруға бағытталған кешенді шаралар нәтижелі жүзеге асуда. Бұл туралы аудан әкімі Берік Сәрменбаев Өңірлік коммуникациялар қызметі алаңында өткен брифингте баяндады.
– Өткен жылы 103 млн. теңгеге Аманкелді ауылындағы дәрігерлік амбулатория, 329 млн. теңгеге Шаған елді мекеніндегі дәрігерлік амбулатория күрделі жөндеуден өткізілсе, аудан орталығында құны 150 млн. теңгеге паллиативтік медициналық көмек көрсету бөлімшесі ашылды.Медициналық мекемелер қажетті құрал-жабдықтармен қамтамасыз етілуде. Аудандық ауруханаға аймақ басшысының қолдауымен компьютерлік-томография және маммография аппараттары орнатылды. Бұл аппараттар арқылы науқастың диагнозын ерте анықтау мүмкіндігі жасалуда.
Сондай-ақ, ультрадыбысты зерттеу аппараты, 50 дана функционалды кереует, 80 дана заманауи компьютер алынып, аурухананың материалдық-техникалық базасы нығаюда, – деді Берік Әбдіғаппарұлы.
Ақпарат көзі : https://www.gov.kz/memleket/entities/kyzylorda-syrdarya-shirkeili/press/news/details/1151057?lang=kk
Жауап қалдыру