Түркістан облысының полицейлері “Адал азамат” жобасы аясында ұрпақ тәрбиесіне қатысты бірқатар маңызды іс-шара өткізіп жатыр. Соның бірі – Түркістан қаласындағы “Жоғары көпсалалы қолөнер колледжінде” өтті.
Жас буынмен кездесуге өзіндік қауіпсіздік басқармасының бастығы Нұрбол Мырзатаев арнайы барды. Мақсат – студенттердің сыбайлас жемқорлыққа қарсы мәдениетін қалыптастыру, құқықтық сауаттылығын арттыру және бойларында адалдық қағидаларын нығайту.
200-ге тарта студент жиналған шарада сыбайлас жемқорлық құқық бұзушылықтары үшін қарастырылатын жауапкершілік туралы айтылды. Қазақстан Республикасының Конституциясы, Қылмыстық кодекс, Сыбайлас жемқорлыққа қарсы іс-қимыл туралы Заң жан-жақты түсіндірілді.
– Адал білім, таза еңбек, әділ ұстаным – нағыз табыстың негізі. Сіздер – ертеңгі елге қызмет ететін мемлекеттік қызметкерсіздер. Сондықтан бүгіннен бастап, сыбайлас жемқорлыққа қарсы мәдениетті қалыптастырыңыздар. Пара бергенде, алғанда, арасында делдал болғанда қылмыстық жауаптылықтан қаша алмайды. Заң бұл тұрғыда қатал, – деп атап өтті Нұрбол Мырзатаев.
Ақпарат көзі : https://www.gov.kz/memleket/entities/mvd-turkistan/press/news/details/1165298?lang=kk
Жауап қалдыру